TAKE IT!

2005-12-07T23:34:00.000Z

Jæja þá held ég að það sé kominn tími til að maður fari að segja eitthvað inná þessa síðu.

Hef ekki bloggað hérna síðan 9. nóv, shitt þetta gengur ekki. Annars er maður bara búinn að vera í prófum og svona. Það er því gaman að segja frá því að ég lauk síðasta prófinu í dag.....allavega á þessu ári. Þarf að taka veikindarpróf útaf því að ég var veikur í helvítis Gerð og Greiningu ársreikninga. Það var einmitt þess vegna sem ég þurfti að fara uppá læknastöð í dag til að ná mér í eitt stykki vottorð. Lenti í atviki þar sem ég vil helst gleyma sem fyrst. Vil samt eiginlega létta þessu af mér svo ég held að ég segi ykkur bara frá þessu. Málið var að heimilislæknirinn minn var ekki við svo ég pantaði bara tíma hjá einhverjum öðrum lækni.

Eftir að hafa beðið þarna í einhvern tíma kemur þessi víga gella fram og kallar Bjarni Már....þá var þetta staðgengill Jörundar læknis....og var ég ekki ósáttur með þessi skipti. Hún byrjar að spyrja mig að þessu hefðbundna af hverju ég þurfi þetta vottorð, í hvaða skóla ég sé, hvernig gangi og eitthvað þess háttar. Eftir að hafa spjallað við hana í einhvern tíma, meðan hún græjaði vottorðið, stendur hún upp og segir gjörðu svo vel Bjarni og gangi þér vel í prófinu. Ég þakkaði henni fyrir það en langaði að bæta einhverju við þetta og segi ósjálfrátt....... já og góða helgi...hún varð svona frekar vandræðaleg en sagði svo að sjálfsögðu sömuleiðis.

Svo dreif ég mig bara út og hugsaði með mér hvað í andskotanum var ég að segja þetta...það er miðvikudagur hálfvitinn þinn. Er samt eiginlega búinn að sannfæra sjálfan mig um að þetta hafi ekki verið sem verst...það er jú fimmtudagur á morgunn.

Annars langaði mig nú bara svona að létta þessu af mér. Langar svo að vekja athygli á því að félagi minn Snæi er á þessari stundu staddur í London að taka þátt í Battle of the bands fyrir Íslands hönd. Vona bara að þeim gangi sem allra best og þeir rúlli þessari keppni upp.

2005-11-09T02:01:00.000Z

Jæja þá er það bara þirðja bloggið á sömu vikunni. Ég hef séð að það eru kominn heil þrjú komment inná síðuna, sem þýðir að það eru allavega einvherjir sem eru að fara á hana. Skil reyndar ekkert hvað stendur þarna þar sem þetta er stillt á eitthvað Japanskt letur eða eitthvað, og ég hef ekki hugmynd um hvernig á að laga þetta. Ég átti reyndar í sömu vandamálum með sjálft bloggið um daginn, en þá var það snillingurinn hann Nóri sem að kippti því í liðinn. Spurning hvort maður dobbli Nóra til að laga þetta líka við tækifæri. Eða Haukur getur þú kannski reddað þessu? Það er ennþá sami aðgangurinn inná síðuna.
Annars var maður að koma úr svaka bolta með gamla Hvassó genginu. Skil samt ekki af hverju Omma litla var ekki boðið að vera með? Frekar leiðinlegt að þetta sé heldur ekki lengur uppí Hvassó. Er Hörður vörður kannski hættur? Maður saknar geðveikt spjallsins við Hödda eftir tímana, tók líka ósjaldan þriggjastigakeppni við hann eftir þá. Það fyndna við þessar þriggjastigakeppnir var að Höddi vann þær alltaf, þó ég hafi nú tekið þær nokkrar. Hörður er nebbla einn af þessum mönnum sem veit allt, getur allt, kann allt og er einfaldlega bara bestur í öllu. Hann var líka einn efnilegasti handknattleiksmarkmaður sem Ísland hefur átt, en því miður settu meiðsli strik í reikninginn og hann þurfti að hætta langt fyrir aldur fram. Sem betur fer segi ég nú bara fyrir Gumma Hrafnkels því ef Höddi hefði ekki meiðst hefði Gummi aldrei komist í landsliðið. Já djöfulli var alltaf gaman af Hödda, einn mesti snillingur sem ég hef kynnst á allri minni skólagöngu. Ef Hörður vörður yrði settur í 8. Sætið á lista sjálfstæðisflokksins fyrir komandi borgarstjórnarkosningar væri borgin unnin. Ég sé ekki hvernig hægt væri að tapa með þennan mann í baráttusætinu. Svo eru það bara framadagar Háskólans í Reykjavík á föstudaginn milli 17.00-19.30 og hvet ég alla til að mæta á þennan áhugaverða viðburð. Þarna munu verða kynningar á ýmsum málefnum er snerta íslenskt atvinnulíf. Reynt hefur verið að stíla inná þau málefni sem hvað heitust eru í umræðunni í dag (sum samt þreyttari en önnur). Ég er partur af hópi sem ætlar að fjalla um siðferði í auglýsingum. Við höfum fengið þrjá þekkta einstaklinga úr íslensku þjóðlífi til að koma og halda smá kynningu um þessi efni. Þorsteinn Guðmundsson leikari og hugmyndasmiður hjá ENNEMM auglýsingarstofu mun koma og halda kynningu um skemmtanagildi í auglýsingum og hversu langt megi ganga í þeim efnum. Anna Birna Halldórsdóttir frá Neytendastofu mun tala almennt um bönn við auglýsingum, hvað sé bannað og afhverju. Birgir Hákonarson frá Umferðastofu mun ræða umdeildar auglýsingar úr þeirra röðum. Þetta byrjar kl. 18.15 og verður í stofu 301 sem er á þriðju hæð skólans.

Í næstu fréttum af ON THE BJARNI

Mun Bjarni vera á leiðinni til London með Bóa frænda?
Mun Bjarni hafa verið handtekinn?
Mun Bjarni hafa verið rændur af gamalli konu?
Mun Bjarni vera djúpt sokkinn í trúarsöfnuð?
eða hangir hann bara í mjólkurverksmiðjum og borðar bara skyr og hangikjöt med sólþurrkuðum tómötum meðan hann slafrar í sig beikonhorni.

Kveðja úr umheiminum

2005-11-06T22:47:00.000Z

Það er nú ekki hægt að segja annað en að skemmtileg helgi sé að baki.

Á föstudaginn var haldinn vetrarhátið viðskiptaráðs með glæsibrag. Vil óska Sæma og öllum þeim sem komu að þessu til hamingju með vel heppnaða hátíð. Það var bara óvenju vel mætt úr röðum gleðiklúbbsins að þessu sinni en það voru einungis Toggi og Keli sem forfölluðust.

Guðmundur Guðmundsson jr tók að sjálfsögðu ekkert annað í mál en að fá sérstaka rútu til að flytja gleðiklúbbsmeðlimi til og frá lóninu. Segja má samt að kvöldið hafi endað misvel hjá mönnum en ég ákvað hins vegar bara að vera á bíl að þessu sinni. Menn kvöldsins voru að sjálfsögðu D.Matt og Hilmar sem komu með skemmtilega innkomu.

Úrslit prófkjörs sjálfstæðisflokks voru gerð kunn á laugardagskvöldið. Við Bói frændi litum að sjálfsögðu til Jórunnar frænku ásamt Villa bró og Iggis. Þar var fólk almennt ánægt með útkomuna enda var Jórunn að koma frábærlega útúr þessu prófkjöri. Eftir stutta viðdvöl hjá frænku ákváðum við einnig að tékka á stemmningunni hjá Gísla Marteini. Þar var eins og við var að búast frekar léleg stemmning svo við röltum yfir til Hönnu Birnu sem var að koma ögn betur útúr þessu. Bói frændi rakst þar á gamlan skólabróður úr gaggó og urðu með þeim miklir fagnaðarfundir. Ég spurði félagann hvort Bói frændi hefði breyst mikið á þessum 30 árum og hann svaraði skellihlæjandi og sagði nei ég get nú ekki sagt það (þetta var frekar fyndið).

Ég held að það séu margir sem ættu að taka Bóa frænda sér til fyrirmyndar enda er ekki slæmt að vera ávallt ungur í anda. Það labbaði líka uppað okkur mjög svo furðulegur náungi og spurði okkur einn af öðrum hvort við værum að vinna hjá Stálbæ. Við litum allir hvor á annan og sögðum nei, af hverju? Hann segir þá, nei bara vinur minn er nebbla að vinna þar. Þetta var mjög furðulegt en samt eflaust ágætis náungi. Eftir þetta ákvað Bói frændi að drífa sig en við strákarnir tókum smá rölt um bæinn með viðkomu á prikinu þar sem við fengum okkur einn kaldan áður en heim var haldið. Maður kvöldsins var að sjálfsögðu Bói frændi sem hreint út sagt fór á kostum. Nú þarf maður bara að fara að ýta á eftir Bóa að halda plötukynningu fyrir okkur strákana. Annars þarf ég að þjóta núna er að sjóða slátur.

2005-11-03T19:22:00.000Z

Hallo!

Djöfull er orðið langt síðan maður bloggaði síðast. Vildi svona prófa hvort þetta virkaði ennþá. Nú held ég að mður fari að vera helöflugur aftur. Vitidi þegar ég byrjaði að blogga fyrst fyrir einhverjum fjórum árum var eiginlega enginn kominn með þetta bloggdæmi. Kaglinn hefur nátturulega alltaf verið helvíti tölvuvæddur....það má líka segja að maður hafi alltaf verið soldið á undan sinni samtíð. Annars var það nú Haukur félagi minn sem reddaði þessu fyrir mig á sínum tíma. Þetta byrjaði þegar ég bjó í þýskalandi og Haukur félagi minn kom þá með þessa snilldarhugmynd að opna fyrir mig vefsíðu svo ég gæti sagt hvað væri af mér að frétta frá Deutschlandi. Hann lagði reyndar aldrei í það að kenna mér á þetta í gegnum tölvupóstinn. Ég sendi honum því alltaf hvað ég hafði að segja og hann birti það á síðunni, svo einfalt var það fyrir mig. Spurning hvort maður launi haglabyssunni greiðann og opni fyrir hann síðu þar sem Haukur.net er búin að liggja niðri um þó nokkurt skeið. Haukur hvað er í gangi? Maður er farinn að sakna frásagna frá kónsins Köben.
Annars er bara nóg að gera þessa dagana. Mikið af verkefnum í skólanum, vetrarhátíð framundan og svo hef ég eitthvað verið að hjálpa frænku minni í prófkjöri sjálfstæðisflokksins. Ég hvet alla til að setja Jórunni Frímannsdóttur Jensen í 4.sætið á lista sjálfstæðisflokksins. Hún er hjúkrunarfæðingur að mennt og hefur auk þess starfað sem varaborgarfulltrúi undanfarin 4.ár. Mér hefur fundist vanta soldið af fólki sem hefur þekkingu úr heilbrigðisgeiranum á lista sjálfstæðisflokksins og held ég að hún væri bara ágætis lausn á því...svo er hún líka Jensen eins og afi.
Ég hef mikið verið að velta því fyrir mér hvort ég ætti að taka upp Jensen nafnið. Bjarni Jensen hvernig hljómar það? Djöfull held ég að maður hefði orðið vinsæll í Danmörku ef maður hefði borið þetta nafn fyrir ári síðan. Hjólasölumaðurinn í kjallaranum hefði allavega aldrei abbast uppá okkur...töffarinn á horninu hefði borið virðingu fyrir okkur..og við hefðum fengið vinnu við eitthvað annað en að skúra (fyrir utan að kellingarnar hefðu orðið alveg brjálaðar í kallinn). ...já og sæmi hefði að sjálfsögðu ekki verið atvinnulaus allt sumarið.
Annars í sambandi við komandi prófkjörið hef ég mikið verið að velta því fyrir mér hvort ég ætti að setja Villa Vill eða Gísla Martein í fyrsta sætið. Þeir virðast vera alveg ágætis náungar og myndu eflaust báðir standa sig með prýði sem borgarstjórar. Mér hefur samt alltaf fundist Villa vanta einhvern sjarma til að geta leitt listann til sigurs í komandi kosningum. Eftir að Kári félagi minn sagði við mig áðan á msninu að Villi væri eins og einhver strætóbílstjóri í fermingarveislu (bara kominn í jakkafötin) áttaði ég mig á því að Gísli Marteinn er mun betri kostur í þetta. Annars ætla ég að fara að fá mér Cherios eða eitthvað...eða kannski bara halda áfram í helvítis garsinu...svei mér þá ég held að það væri ekki svo vitlaust.
Ha sel ég mat frá ykkur? Hverjum helduru að detti í hug að selja mat frá ykkur?

Bjarni Már

2003-05-22T00:56:00.000Z

Ég er farinn að stunda golf, og líkar bara þokkalega.
Nú vantar mig bara mitt eigið sett, svo litili bróðir fái að hafa
sitt í friði. En spurningin er hvort maður ætti að fá sér
örvhent sett, þar sem ég er gæddur þeim eiginleika, að vera
örvhentur. Allavega mæli ég með þessu þetta er helvíti gaman.
Svo er það bara Eurovision á laugardaginn, búið að spá Íslandi
einu af fyrstu fimm sætunum, er það ekki annars eitthvað sem
gerist alltaf. Ég hef annars mjög góða tilfinningu fyrir þessu í ár,
og spurningin er hvort maður ætti ekki að fara niður í BT og skella
sér á eitt stykki sjónvarp. Hirgitta Baukdal á alveg örugglega ekki
eftir að klikka og setur BT á hausinn í leiðinni.

2003-05-09T01:40:00.000Z

Jæja hvað segir fólkið þá?
Þá er maður bara mættur aftur í bloggmenninguna....gaman af því.
Mikið rosalega var ég ánægður þegar móðir mín tjáði mér að Ingibjörg
hefði hefði dottið út af þingi rétt fyrir klukkan níu í gærmorgun.
Hún hefur bara ekkert að gera á þing, ekkert frekar heldur en restin af
þessu samfylkingarfólki.
Aðalmarkið Samfylkingarinnar var að fella ríkisstjórnina allavega fyrir
kosningar. Það markmið tókst sem betur fer ekki en samt er þetta
Samfylkingarfólk að halda því fram að þeir hafi unnið einhvern glæsilegan
sigur, hvað er að þessu fólki!

2003-05-04T18:10:00.000Z

Nýtt útlit

2003-03-21T14:41:00.000Z

Mér var hennt út úr strætó í gær.
Eins og vanalega tók ég strætó heim úr vinnunni, því miður hefur maður engan Póló hérna í Þýskalandi. Ég kaupi mér alltaf svona Kurzestrecke Fahrschein, sem þýðir að ég má aðeins fara 4 stoppustöðvar, en ég fer alltaf 5. Hugsið ykkur töluna fimmmmmmm (já það var rétt).
Venjulega er það ekki í verkahring strætóbílstjóra að fylgjast með þessu, þeir hafa eiginlega nóg með aksturinn. Það detta nefnilega stundum svona strætóverðir inn, til að tékka hvort að allir séu ekki með löglegan farmiða, en maður lendir nú bara á þeim svona einu sinni í viku. Þú getur því í rauninni tekið áhættu og borgað ekki neitt. Ég hef nú samt alltaf borgað, en ég tók hins vegar eftir því ad Hrafn Margeirs var bustaður um daginn. Þessa fimm mánuði hefur enginn haft neitt út á meine Kurzestrecke að setja, þangað til í gær, og þá var það sjálfur strætóbílstjórinn. Hann stoppaði skyndilega vagninn eftir að hann var nýlagður af stað frá 4 stoppustöð, gerði sér ferð aftur í vagninn, nam staðar hjá mér og sagði "was machst du noch hier drinnen". Maður ætlaði svona að reyna að afsaka sig eitthvað, en hann greyp strax fram í fyrir mér og öskraði "rauuuuuuusss!!!!" Hann sagði mér með augunum að það kæmist enginn upp með neitt svona rugl á hans vakt. Ég var alveg skíthræddur og drullaði mér út. Ætlaði bara að láta ykkur vita af þessu, ég er nefnilega kominn til sálfræðings út af þessum bílstjóra.
En ég ætla samt að biðja ykkur um að vera ekkert að nefna þetta við neinn, þetta er litið mjög alvarlegum augum hérna í Þýskalandi.

Kveðja

Njáll Þórarinsson
Löggiltur Skjalaþýðandi í ensku
5.hæð

2003-03-14T10:56:00.000Z

Halló!

Jæja, það er nú orðið frekar langt síðan maður heyrði í ykkur seinast. Ég er annars búinn að hafa svo mikið að gera að maður hefur ekki haft neinn tíma til þess að skrifa. Svo er það sennilega bara Baden Baden næstu helgi. Þar verða víst allir að vera klæddir í rauðar gallabuxur, ekki spyrja mig af hverju. Ég þarf eiginlega að fara að redda mér eitt stykki svoleiðis fyrir næstu helgi. En eins og vanalega er bara allt í gangi og nóg ad gera.

Það var svo bara B-liðs árshátíð um daginn, var að skoða mjög skemmtilegar myndir á heimasíðunni hjá honum Guffa. Mér langaði annars bara að óska liðinu til hamingju með þessa glæsilegu árshátíð. Ísleifur til hamingju með titilinn B-liðs maður ársins, maður hefði nú samt búist við því að HAGGLABYSSAN myndi taka þetta. En svona getur þetta stundum verið skrítið. Þið trúið því kannski ekki en ég hef mætt á nokkrar æfingar med B-liðinu.

Svo eru Óli Mól og félagar í ÍR bara komnir í úrslitakeppnina í körfubolta. Glæsilegt Óli, hvað hef ég alltaf sagt, þetta er bara spurning um taka sem flesta þrista og þá kemur þetta allt saman. Nú held ég að maður geti ekki annað en sett Ír-karfa.is í hlekki(Haukur geturdu reddað þessu).
Ég hef annars verið að heyra einhvern orðróm um að það hafi sést til Skúla Gunnsteins einhvers staðar á vappi hérna í Heilbronn.
Hafiði eitthvad heyrt um þetta?

Kveðja

Bjarni Már
Formaður Sævars

2003-03-04T19:32:00.000Z

Hver kannast ekki við auglýsinguna sem endar einhvern veginn svona, bollasúpur frá Knorr. Þið vissuð eflaust að Knorr kæmi frá Þýskalandi
en þið vissuð alveg örugglega ekki að Knorr væri frá Heilbronn. En hverjum hefði svo sem dottið það í hug að ég ætti eftir að búa í nágrenni við einn stærsta súpuframleiðanda heims, þetta er einkennilegt maður. En það þýðir svo sem lítið að vera að velta sér lengur upp úr þessu svona er þetta bara stundum.

En másafélagið biður að heilsa að sinni!

2003-02-26T18:20:00.000Z

Áfram Stuttgart!!!

Ég er farinn að halda með Stuttgart í Þýska fótboltanum. Við fórum nefnilega á Stuttgart gegen Dortmund um daginn. Ég var reyndar ekki alveg viss í byrjun með hverjum ég ætti að halda, ég hef nefnilega alltaf verið svolítið heitur fyrir Dortmund, meistarar og svona. En eftir svona tíu mínútna leik var maður orðinn harður Stuttgart aðdáandi, var meira að segja kominn inn í baulið, á Jan Koller. Um miðjan fyrri hálfleik skoruðum vid sídan glæsilegt mark sem var reyndar dæmt af vegna rangstöðu. Mér fannst þetta hins vegar vera alveg fullkomlega löglegt mark og byrjaði að fagna eins og vitleyleysingur. En fagnaðarlátunum þurfti nú samt að linna, þegar einhver gaur fyrir aftan mig kallaði á mig og sagði (hey es war abseits man). Eftir þetta var maður frekar rólegur en á 78 mín kom sigurmarkið og allt varð vitlaust. Ég var nýbúinn að fá mér puslu þegar markið kom, svo að maður stóð þarna með puslu í annarri og kók í hinni, og öskraði bara. Þetta mark reyndist vera eina mark leiksins svo að við fengum þarna 3 dýrmæt stig í toppbaráttunni. Svo er bara málið að halda uppteknum hætti og komast á toppinn. Maður verður líka að reyna vera duglegur að maeta á völlinn og styðja við bakið á sínum mönnum. Það kostar líka ekki nema 20 evrur í sæti. Þetta þýðir að það er ódýrara, að fara á leik með Stuttgart, heldur en á KR leik heima.
Hvað er eiginlega í gangi?

Mér finnst annars alveg merkilega fyndið að Snæi popp þykist vera orðinn einhver punkari, popparinn sjálfur.

2003-02-21T22:09:00.000Z

Hæ!

Ég er hérna að skrifa úr vinnunni.
Það var að koma nýr praktikant til fyrirtækisins fyrir tveimur vikum,og á hún að taka við af kallinum, þegar mínum tíma líkur hérna í lok mars. Þad er því mitt hlutverk að koma henni inn í allt.
Þetta er mjög fín stelpa, en mér finnst frekar sorglegt, hvað hún er óörugg í öllu sem hún á að gera. Hún er spyrjandi mig allan daginn að spurningum eins og, hvað hefði gerst ef að ég hefði gert þetta, og hvað gerist ef að ég gleymi að gera þetta, osfrv.
Það fyndna við þetta er að ég var eiginlega svona sjálfur. Málið er að yfirmaðurinn hérna á deildinni er svo stressaður að ég er eiginlega skíthræddur um að hann æli yfir mig einn daginn.
Fyrir þau sem að eru nýbyrjuð er þetta því hreint helvíti.
Ég skil því greyið stelpuna ósköp vel, en mér langar samt geðveikt að prófa að stríða henni smá, líta á tölvuna hjá henni og segja hvað í andskotanum ertu eiginlega búinn að gera. Ef að kallinn sér þetta dregur hann þig á hárinu niður á lager. Þegar hann er svo búinn, að æla yfir þig SÓLÞURKUÐUM TÓMÖTUM, máttu vel búast við að hann fari að maka BERNEASE SÓSU í augun á þér.
Hann mun síðan láta þig dúsa þarna yfir nóttina, gefur þér SVIÐASULTU og SVALA að borða, og setur KARDEMONUBÆINN á fóninn. Daginn eftir, mun hann koma niður á lager, hleypa þér út og segja BARA GRÍN!
En ég verð eiginlega að fara að slútta þessu núna því að kallinn er að koma!!!!!!!!!
Hann lætur mig nefnilega borða KAFFIKÚLUR allan daginn ef hann sér að ég er að skrifa e-mail á vinnutíma.

Svo að Bjarni verður að kveðja að sinni!

2003-02-18T18:38:00.000Z

Getiði ímyndað ykkur hvernig það er að vinna með gaur sem bordar aldrei neinn morgunmat, drekkur bara vatn til hádeigis, og reykir geðveikt mikið. Ég er að tala hérna um andfýlu dauðans.
Þetta er gaurinn sem vinnur við hliðina á mér í vinnunni, og er það hann sem ég verð að kalla á, ef ég veit ekki eitthvað eða kann ekki eitthvað sem ég á að gera. Maður reynir að geyma sem flestar spurningar fram yfir hádegið því að þetta batnar til muna þegar hann er búinn að fá sér eitthvað að borða. En samt ekki þegar hann fær sér þura samloku með osti, sem er búinn að liggja í töskunni hjá honum allan morguninn. Þegar þetta gerist þá sleppir maður bara að spyrja hann, og reyni bara að redda mér útúr þessu sjálfur.
Ég ætlaði bara svona að láta ykkur vita af honum. En ég verð eiginlega að þóta núna því ég er orðin of seinn að sækja sokkana mína í hreinsun.

Kveikja úr undirheimunum

2003-02-12T20:38:00.000Z

Halló!

Ég var að byrja aftur í vinnunni eftir viku frí. Í fríinu fór ég til München ad hitta Elmar sem að þurfti að fara tangað fyrir 66°N á Ispo sýninguna sem er árlega í München.
Þetta var miklu stærri og flottari sýning heldur en ég hafði nokkurn tíman búist við, þarna voru nánast allir framleiðendur í útivistar og sportbransanum.
Þegar við vorum að skoða einn básinn hjá fyrirtæki sem er að selja sundföt og sólglerugu, spyr Elmar mig hvort að ég kannist ekki eitthvað við manninn sem stóð við gleraugnaborðið og var máta einhver sólgleraugu. Jú ég kannaðist líka geðveikt við hann, og eftir miklar vangavelltur, komumst við að því að þetta var enginn annar heldur en Harry Klein úr Derrick þáttunum. Verð að segja það að þetta er ein fyndnasta sjón sem að ég hef á ævi minni séð. Audvitað hefði verið fyndnara að sjá sjálfan Derrick, en Harry Klein er miklu meiri töffari. Ætladi bara svona að lata ykkur vita af þessu en ég verð eiginlega að fara að drífa mig.
Ég var nefnilega að panta mér rækjusamloku með osti.

Kveðja Bjarni Már Typpahár